Gaurkotasun Buletina Data: 10-03-2022
Kalez Kale Hondarribia hobetzen lan-programa mugikortasun iraunkorrago baten alde eta Hondarribiko pertsonengan pentsatuz
Udaletxeko Osoko Bilkuren Aretoan aurkeztu da gaur goizean "Kalez Kale Hondarribia hobetzen" lan-programa, Hondarribiko kaleak eta hiri-ingurunea hobetzea helburu duen eta Garapen Iraunkorrerako Udal Estrategiaren parte den proiektua.
Udaletxeko Osoko Bilkuren Aretoan aurkeztu da gaur goizean "Kalez Kale Hondarribia hobetzen" lan-programa, Hondarribiko kaleak eta hiri-ingurunea hobetzea helburu duen eta Garapen Iraunkorrerako Udal Estrategiaren parte den proiektua. Ekitaldian Txomin Sagarzazu Alkateak, Gonzalo Carrión Obretako zinegotziak eta Juan Luis Silanes Ingurumen eta Mugikortasun zinegotzi arduradunak parte hartu dute.
Txomin Sagarzazu Alkateak azpimarratu duenez, “Kalez Kale Hondarribia hobetzen’ Hondarribiarentzat mugikortasun justuagoa, jasangarriagoa eta seguruagoa lortzea helburu duen ekintza integraleko plana da. Hainbat urtez landu den proiektua da, eta Udaleko sail askoren koordinazioa behar izan du. Eskerrak eman nahi dizkiet denei egindako lanagatik. Horri esker, Hondarribiarentzat funtsezkoa den proiektu bat hasiko da egun gutxi barru, eta hainbat ekitalditan gauzatuko da.
2030 Agendan ezarritako helburuak txertatzen ditu, hiriko eremu eta auzoen oreka bilatzen du, eta gure hiria kontserbatu, mantendu eta berritzearen aldeko apustua egiten du. Asmo handiko proiektua da, udal zerbitzuen ahalegina herritarren parte-hartze aktiboarekin bateratzen duena, eta Hondarribia kalez kale hobetzea du helburu, betiere bertan bizi garen pertsonengan pentsatuz” gehitu du Sagarzazu Alkateak.
Oro har, proiektuaren lan-eremuak bost gune ditu: Donostia Kalea eremua, Kosta kalea, Harresilanda Kalea eremua, Gibeleta Auzoa eta Sabin Arana eremua. Aurrekontua 3.329.404,07 eurokoa da, martxoaren 7an hasiko da ofizialki, eta 15 hilabeteko iraupena izango du, gutxi gorabehera.
Planak asfaltozko lanak eta berrurbanizazio-lanak ditu ardatz, eta honako helburu hauek kontuan hartuta garatuko dira: espaloi zabalagoak dituzten espazio publikoak sortzea eta hobetzea, bidegorri-tarte berriak eskaintzea eta egungoak hobetzea, eta zirkulazioaren segurtasuna eta arintasuna hobetzea.
Besteak beste, honako hauek izango dira esku-hartzeak:
O Lehen pibotez mugatutako espaloiak finkatzea.
O Irisgarritasuna oinezkoen pasabideetan.
O Dauden bidegorriak egokitzea eta bizikleta-ibilbide berriak sortzea.
O Argiztapena hobetzea.
O Drainatzeak egokitzea.
O Hornidura-hodien zati batzuk berritzea.
O Errepideak eta zoladurak berritzea.
Mugikortasun Iraunkorraren garrantzia
Mugikortasun jasangarriari dagokionez, Juan Luis Silanes zinegotziak nabarmendu du KALEZ KALE Hondarribia hobetzen ekimenak korridore eta eskola-ingurune seguruak sortzeko estrategia indartzen duela, eta espaloiak berreskuratzen dituela, egonleku berriak sortuz. Gainera, Hondarribiko bizikleta-sarearen interkonexioa hobetzen dugu.
Era berean, proiektuak trafikoa baretzeko neurri berriak sartzen ditu, oinezkoei eta txirrindulariei segurtasun handiagoa emateko, eta ibilgailu motordunen, oinezkoen eta txirrindularien arteko bizikidetzarako eredu aitzindari bat proposatzen du.
Gogoratu nahi nuke joan den astean aurkeztu geniola proiektua Udalean egindako Mugikortasun Mahaiari. Gobernu Taldearentzat Mugikortasun Iraunkorra kontzeptu argia da, bat dator mugikortasun-foro guztietan lantzen dugunarekin, eta horrela jasotzen da 2019ko urrian Udalak aho batez onartutako Hiri Mugikortasun Iraunkorraren Planean.
Bost eremu handi
Gonzalo Carrión Obra eta Zerbitzuetako zinegotziak obra eremuei buruzko xehetasun gehiago eman ditu. “Hondarribian zehar hobekuntza-eremuak hartzen saiatu gara. Gaur azaletik aurkeztuko dugu proiektua, baina obra prozesuak hasi ahala, eremu bakoitza xehetasunez gogoratuko dugu prentsaurrekoen bidez. Komunikazio kanpaina bat jarriko dugu martxan, hondarribiar guztiek jakin dezaten zer aldaketa egongo diren”.
Proiektuaren lan-eremuak bost eremu ditu: Donostia kalea eremua, Kosta kalea, Gibeleta Auzoa, Harresilanda Kalea eremua eta Sabin Aranako eremua.
itzuli
Buletinan harpidetza egin
Publizitatu nahi duzu hemen?