Gaurkotasun Buletina Data: 10-03-2022
Kalez Kale Hondarribia hobetzen programa hasi da Donostia kaleko eremuaren interbentzioarekin
Donostia kaleko zuhaitzak erretiratu eta obran zehar birlandatuko dira.
Dagoeneko hasi da Donostia kalea egokitu eta hobetzeko proiektua, “Kalez kale Hondarribia hobetzen” programaren barruan. 3.329.404,07 euroko aurrekontua duen programa zabala da, ofizialki astelehenean hasi zen eta 15 hilabeteko iraupena izango du.
Gonzalo Carrión Obra eta Zerbitzuetako zinegotziak nabarmendu duenez, “joan den astean aurkeztu ondoren, astelehenean bertan hasi zen programa. Ekintza integraleko plana da, eta mugikortasun justuagoa, iraunkorragoa eta seguruagoa du helburu Hondarribiarentzat, erabiltzen den garraiobidea edozein dela ere.
Donostia kaleaz gain, Nestor Basterretxea kalea eta Baserritar Etorbidea hobetuko dira. Espaloiak egokitu eta hobetuko ditugu, eta bidegorri zati bereizi berri bat sortuko dugu Donostia kalean, eskola-ibilbide seguru bat sortzeko aukera ematen duena.
Kalearen egitura birgaituko da, egungo zorua kenduz, eta, azkenik, Talaia Bordari eta Talaia Institutuaren eskola-ingurunean oinezkoentzako plataforma bat sortuko da, oinezkoentzako ikuspen eta segurtasun ona bermatzeko.
Zuhaitzak kendu eta birlandatzea
“Proiektuaren hasieran, Donostia kaleko zuhaitzak erretiratu behar ditugu. Espezie hori (Liquidambar stiracyflua) duela 35 urte baino gehiago landatu zen, eta kalte handiak eragiten ari da saneamenduko zein gasaren kanalizazioetan, eta espaloiaren zati batzuk altxatzen ari dira” gehitu du Carrion zinegotziak.
“10 eta 18 metro bitarteko zuhaitzak dira, adarrak ahulak dituztenak eta, horregatik, arriskutsuak izan daitezke ekaitzak edo haize bortitzak daudenean. Gainera, horietako asko oinarritik usteltzen joan dira, eta urteetan zuhaitz batzuk ordezkatu behar izan ditugu.
Zuhaitz horien hostotasunaren ondorioz, hostoak erori egiten diren garaian istripuak izan dira Donostia kalea erabiltzen duten oinezkoen artean. Horregatik, kendu egingo dira eta, logikoa denez, zuhaitzak berriz ere birlandatu egingo dira obrak aurrera egin ahala.
itzuli
Buletinan harpidetza egin
Publizitatu nahi duzu hemen?