Gaurkotasun Buletina Data: 11-04-2022
Nola handi dezaket nire oxigeno-kontsumo maximoa?
ITURRIA: Sportlife
Lasterketan, txirrindularitzan, iraupen-eskian, arraunketan eta oso aerobikoak diren beste kiroletan, VO2 maximoa edo oxigeno-kontsumo maximoa errendimenduarekin hobekien lotzen parametrotzat hartzen da.
Hau zure muskuluek minutuko prozesatu dezaketen oxigeno kantitate maximoa da, erregai gisa erabili eta energia mekanikoa lortzeko. Zure taupada maximoen, bolumen sistolikoaren (taupada bakoitzarekin zure bihotzak mugitu dezakeen odol kantitatea, alegia) eta zure gorputzak odoletik oxigenoa ateratzeko duen efizientziaren araberakoa da.
Pertsona arrunt baten batez bestekoa, kirolaria izan gabe ere, 40 ml/kg/min da, eta munduko maila altuenak elitezko kirolariek dituzte, 90-95 ml/kg/min bitartera iritsi daitezkeelarik.
Zientziaren arabera, zure gaitasun aerobikoaren %50 genetikoki zehaztuta dator, eta honenbestez gainontzeko %50aren erantzukizuna zurea da, entrenamendu eta arduraren bitartez hobetzeko tarte handi bat duzularik. Genek gure gaitasunaren erdia kontrolatzen dutela ikusita, argi dago litekeena dela, entrenamendu berdina eginda, dohain genetikoa duen pertsona batek dohain hori ez duen batek baino kirol emaitza hobeak lortzea. Dena den, badaude kirol errendimenduan eragina duten beste hainbat faktore. Izan ere, arau hau apurtu duten kirolarien hainbat kasu daude dokumentatuta, oxigeno-kontsumo maximoaren balio apal samarrak emanez marka bikainak lortzen dituzten maratoilariak esaterako. Kirol-teknika, estrategia, entrenamendu egokia, esfortzua neurtzen jakitea, kargak lehiaketa aurretik egindako saio bakoitzean modu egokian banatzea, borondatea izatea, nork bere gorputza eta honen erantzunak ezagutzea… kirolari arrunt batek genetikoki gaitasun hobea duen aparteko kirolari batek baino errendimendu hobea lortzea ahalbidetu dezaketen elementuak dira.
Zure erantzukizuna den erdi horri etekina ateratzeko VO2 maximoa handitu dezakezu, eta hau lortzeko modu egoki bat askotariko entrenamendu bat da, saio suabeak eta luzeak zein intentsitate altuan egindako tarte laburragoekin egindako lana dituelarik, gimnasioan edo etxean pisuekin egindako indarreko lana ahaztu gabe ere.
itzuli
Buletinan harpidetza egin
Publizitatu nahi duzu hemen?