Gaurkotasun Buletina Data: 05-11-2021
Txomin Sagarzazu Alkateak positibotzat jo du Euskadiko Parke Teknologikoen Sareak Hondarribiko Kanpusaren proiektuaren bideragarritasuna aztertzea
Txomin Sagarzazu alkateak positibotzat jo du Euskadiko Parke Teknologikoen Sarearen 2021-2024 Plan Estrategikoa, duela gutxi prentsaurrekoan aurkeztutakoa. Plan Estrategiko horretan, besteak beste, Hondarribiko Kanpusaren proiektuaren bideragarritasuna aztertzeko beharrezko proiektuak hasiko direla nabarmentzen da.
Txomin Sagarzazu alkateak positibotzat jo du Euskadiko Parke Teknologikoen Sarearen 2021-2024 Plan Estrategikoa, duela gutxi prentsaurrekoan aurkeztutakoa. Plan Estrategiko horretan, besteak beste, Hondarribiko Campusaren proiektuaren bideragarritasuna aztertzeko beharrezko proiektuak hasiko direla nabarmentzen da..
“Nire poza adierazi nahi dut. Hondarribiarentzat oso albiste ona da Euskadiko Parke Teknologikoen Sareak bere planen artean Zubietako lurretan Hondarribiko Campusaren proiektu baten bideragarritasuna aztertzea” esan du Txomin Sagarzazu Alkateak.
“Duela hiru aste, lan-bilera bat egin genuen Udaletxeko Osoko Bilkuren Aretoan Eusko Jaurlaritzako eta Gipuzkoako Foru Aldundiko arduradunekin. Bertan, Zubietako eremuan lursail bat proposatu genuen, joan den irailaren 2an onartutako HAPOren Aurrerapenean jarduera ekonomikorako katalogatzen dena. Gure ustez, Miramongo eta Galarretako campusei gehituko litzaiekeen dentsitate txikiko enpresa-gune teknologikorako kokapen-baldintza egokiak jasotzen ditu”.
Administrazio Kontseiluaren konpromisoa
“Euskadiko Parke Teknologikoen Sareari eskerrak eman nahi dizkiot Hondarribiko Udalaren proposamena kontuan hartzeagatik, bideragarritasuna azter dadin. Uste dut denok pozik sentitu behar dugula albistearekin” gehitu du Alkateak.
“Parke Teknologikoen Sareak, gainera, Hondarribiko Campusaren bideragarritasuna aztertzeko konpromisoa hartu zuen Administrazio Kontseiluan joan den astean.
Bideragarritasun-azterlan horretarako beharrezkoak diren inplikazio instituzionalak bultzatzeko, Hondarribiko Udalak eskura duen guztia jarriko du, eta erakunde guztiekin banakako lanketa bat egiten hasi dugu” amaitu du Txomin Sagarzazu Hondarribiko Alkateak.
itzuli
Buletinan harpidetza egin
Publizitatu nahi duzu hemen?