Gaurkotasun Buletina Data: 05-03-2019
Posible al da ura edatea korrika ari zarela haize-mina agertzearen arrazoia izatea?
ITURRIA: Sportlife
Min hau azaltzen denean, benetako tortura da korrikalarientzat.
Haize-mina, aurrera egitea eragozten dizun min abdominala alegia, jasaten duten eta hasi berriak diren korrikalariei ematen zaien aholkuetako bat kirola egiten ari zarela ura edaterako orduan kontuz ibiltzea da. Argi dago, batez ere esfortzu luzeetan, gure gorputza hidratatu behar dugula errendimendua mantendu ahal izateko; hau dela eta, jakina ura edaten jarraitu behar dugula esfortzuan zehar, baina zurrupada txikiak hartzen eta lasterketa erritmoa gutxiagotuz, haize-min misteriotsuaren agertzea ekiditeko.
Eta misteriotsu diogu, izan ere ez dago argi haize-minaren kausa zein den. Baliteke arrazoi desberdinek eragitea, horien artean arnasketa muskuluetara, hau da: diafragma eta saihets artekoak, zuzendutako odol eta oxigeno fluxu ezegokiak nabarmendu daitekeelarik. Muskulu talde handiak lanean ipintzen dituen ariketak odol-fluxu desbideratze handi bat eragiten du. Odol-fluxuaren birdoitzea berehalakoa ez denez, zenbait muskulu, arnasketakoak esaterako, beraien energia behar altuak odol-fluxu egoki bat gabe asetzera behartuta daude. Honek sintoma mingarri bat eragiten du, haize-mina, arnasteko zailtasuna eragiten duena eta batzuetan ariketa gelditzera behartzen gaituena. Hala eta guztiz ere, min honen hasiera ezin da aurretik esan eta gaur egun oraindik ezinezkoa da bere izaera ziurtasunez azaltzea.
Baina argi dago ez dela ideia ona ura edateari uztea ariketa egiten ari garela, izan ere ez dago inolaz ere frogatuta haize-mina ekiditen duenik, eta aldiz ziurtasunez adierazi daiteke ura ezinbestekoa dela gure gorputzaren oreka eta funtzionamendu egoki bat izateko, are gehiago ariketa fisiko bat egiterakoan. Hoberena ura maiztasunez eta zurrupada txikiak hartzen edatea da. Haize-mina ekiditeko beste aholku batzuk honakoak dira: ez zaitez korri egitera atera “otordu pisutsu” baten ondoren zuzenean (gutxienez bi ordu itxaron digestioa egiteko) eta guretzako egokia den erritmo batean korri egiten hastea (10 km lasterketa bat mila metrokoa izango balitz bezala hasteak lasterketa erdira iritsi aurretik haize-mina agertzeko aukerak handitzen ditu).
itzuli
Buletinan harpidetza egin
Publizitatu nahi duzu hemen?